Ka ardhur koha që çantën e madhe ta zëvendësoni me një të vogël e vezulluese, e cila do të japë një dozë të imagjinatës tërë stilit tuaj nëse mund të mbështetemi në koleksionet pranverë/verë të prezantuara në javët e mëdha të modës në qytete të ndryshme të botës.Hit absolut i sezonit do të jenë çantat me zinxhir të gjatë me modele kafshësh të tilla, sikur i kanë prezantuar “Dolce&Gabbana” dhe “Armani”.
Ngjyrat dimërore trendi si e kaltra dhe ajo e ullirit këtë pranverë do të zëvendësohen me nuanca shndritëse, të cilat mundësojnë kombinime deri më tani të papërfytyrueshme. Kështu, “Gucci” kombinon ngjyrën e errët të gjelbër, të portokalltën dhe vjollcën, e “mbreti i çantave luksoze” “Luois Vuitton” të verdhën dhe rozën.
Në koleksionin e tij, por edhe në gati të gjitha koleksionet e tjera, kanë dominuar çantat me shumë xhingla, të cilat lëvizin në harmoni me secilën lëvizje të trupit.
Mostrat kreative dhe interesante në çanta, gjithashtu do të jenë mjaft moderne, e me to me siguri që nuk do të kaloni pa u vërejtur.
Renilda Kapllanaj
0 comments:
Post a Comment